ودعت يخزي العين/ عصام ملكي

حبي لكي تعبان لكنوُّ
بالمجتمع كاشف على سنوُّ
البسمه لعندو عم تجي بالدين
العالم بأني رحت لا يظنوُّ

يومين باقي من العمر يومين
متل الجرس بالادن بيرنوُّ
ولما بحجر ما صبت عصفورين
قلت لظروفي تفضَّلو جنوُّ

من بعد ما ودعَّت يخزي العين
قلت لجروحي بالهوى يئنوُّ
قانون حبي في الو حدَّين
لحقو تلف ما بقيت عم سنوُّ

ما قلت ردة شعر من شهرين
وحياة عينيكي اعرفي انوُّ
هربو المعاني صوب اخر وين
وكل القوافي طلقو الاوزان
والحرف عاملها تحت منوُّ

CONVERSATION

0 comments: