نصائح لمبارك/ رضا محمد السيد

ـــ نام على ضهرك يا ريس وربع إيديك
   وإنسى بقى اليوم إللى كنا فيه عبيدك
   ربك أحياك لليوم عــــشان ما بيريدك
   قوم كفر عن ذنوبك يمـــكن ده يفيدك 

ــ قوم وعيد تربية عيالك علاء وجمــــــال
   بسببهم أهملت دولة قمـــــــــــة الإهمال
   وإنشغلت إنت وهما طبعا بجـــــمع المال
  ومش مهم  إن كان المال حرام ولا حلال

ــ قوم إستغفر ربنــــــــــا قبل ما تموت وتوب
وياريت تعمل حاجــــــــــــة تكفر بيها الذنوب
إستملت الوطن عمــــــــار سلمته ليه مخروب
وكمان بسببك قامت بين المصريين حـــــروب

ــ مــــــــا كنـــــش عندنا مانع تسرقونا على خفيف
   وتسيبوا شـــــــــــــــوية فلوس للفقير والضعيف
وتوفروا للناس الفقراء عـــــلاج أو حتى الرغيف
يا خسارة طلعت حرامى .... وحرامى مش نضيف